Ширкати ҳавопаймоии Нордвинд Эйрлайнс (Nordwind Airlines) эълон кардааст, ки парвозҳои худро ба самти Калининград-Бохтар оғоз мекунад.
Бино ба иттилои расонаҳои русӣ, 12-уми сентябри соли 2024 ширкати ҳавопаймойии Нордвинд Эйрлайнс парвозҳои мустақими худ байни шаҳрҳои Калинингради Русия ва Бохтари Тоҷикистонро оғоз мекунад.
Пойгоҳи телеграмии ин ширкат хабар додааст, ки ин парвозҳо ҳафтае як маротиба аз шаҳри Бохтар ба шаҳрҳои Маскав, Санкт-Петербург, Сочи, Калининград, Махачқала ва ғайра сурат мегиранд.
Инчунин иттилоъ дода мешавад, ки “аз 12-уми сентябри соли ҷорӣ аз ҷониби ширкати ҳавопаймоии Nordwind парвозҳои мустақими мунтазам аз шаҳри Қазони Русия ба шаҳри Бохтари Тоҷикитсон оғоз мегардад. Парвозҳо ҳафтае як маротиба рӯзҳои панҷшанбе анҷом дода мешаванд.”
Оғози парвозҳои нав байни шаҳрҳои Руися ва Тоҷикистон дар ҳолест, ки мақомоти Русия садҳо шаҳрванди Тоҷикистонро аз фурӯдгоҳҳо ва марзҳои заминии худ ба Ватан боз пас фиристоданд. Ва муҳоҷирон аз он шикоят мекунанд, ки мақомоти ин кишвар тафтишро сахт карда, бо баҳонаҳои зиёд онҳоро ихроҷ мекунанд.
