Созмони Миллали Муттаҳид аз оғози фоҷеи инсонӣ ба сабаби гуруснагӣ дар Афғонистон хабар медиҳад.
Ба гузоришиCNN, Созмони Миллали Муттаҳид ҳушдор медиҳад, ки дар наздиктарин вақт дар моҳи ҷорӣ анборҳои захираи хурока холӣ ва буҳрони ғизо дар Афғонистон оғоз хоҳад шуд.
Намояндаи хос ва масъули умури инсонии СММ дар Афғонистон Ромиз Акбаров гуфтааст: Афғонистонро бо таъмини маводҳои аввалия, ки ба он ниёз дорад, аз лағжидан ба як фоҷеаи инсонии дигар бояд наҷот дод. Ин кишварро ба ғизо, хадамоти тандурустӣ ва дигар ниёзҳои аввалия, ки мардум бо шиддат ба онҳо иҳтиёҷ доранд, кумак бояд кард.
Пеш аз ин дар соли 2020 гузориш шуда буд, ки беш аз 13 миллион нафар дар Афғонистон аз камбуди маводи ғизоӣ танқисӣ кашида, аз гуруснагӣ ранҷ мебаранд.
Тайи се моҳи ахир ҳамалоти нерӯҳои Толибон ба шаҳрҳо густариш ёфта, тамоми сарҳадотро зери контори худ дароварданд. Ҳукумати Ашраф Ғанӣ 15-уми августи соли 2021 дар Кобул ба дасти Толибон суқут кард. Кишвар беидора ва воридоти маводи ғизоӣ ва дигар колоҳои зарурӣ ба шиддат кам шуд.
Толибон бар иловаи вилояти Панҷшер 33 вилояти ин кишварро ба тасарруфи худ даровардаанд. Барои тасхир ва ё тасарруфи Панҷеш музокироти Толибон ва Ҷабҳаи муқовимати миллӣ ба раҳбарии Аҳмад Масъуд ба бунбаст расида, тайи панҷ рӯзи ахир ҷанг байни онҳо идома дорад.
