Шуруъ аз имрӯз 7 апрел сафари кории Эмомалӣ Раҳмон ба вилояти Суғд оғоз ёфт. Бино ба иттилои дафтари матбуоти Президент мақсад аз сафари корӣ иштирок дар тантанаҳои ҷашни Наврӯз, мулоқоту суҳбат бо сокинон ва ифтитоҳи як қатор иншооти таъйиноти гуногун гуфта шудааст.
“Азия-Плюс” бо такя ба манбааш дар Ҳукумати ҷумхурӣ нигошта, сафари Раҳмон дар Суғд 4 рӯз идома хоҳад кард, дар ин муддат раисҷумхур аз Хуҷанд, Гулистон, Истаравшан, Исфара ва нохияи Бобочон Гафуров дидан хохад кард.
Ҳамчунин гуфта мешавад, қарор аст Раҳмон дар ин сафар аз ҷамоати Ворухи шаҳри Исфара низ дидан кунад ва бо мардуми ин минтақа дидору гуфтугӯ дошта бошад.
Ирмӯз дар навбати аввал Президент Раҳмон аз шаҳри Бӯстон боздидашро оғоз намуда, дар ин шаҳр корхонаи истеҳсоли маҳсулоти полиэтилении Ҷамъияти дорои масъулияти маҳдуди “Файзи Бӯстон”-ро ифтитоҳ кард.
Дар идомаи сафараш Раҳмон аз ноҳияи Бобоҷон Ғафуров боздид намуда дар ин ноҳия мактаби миёнаи №23, як бинои маркази савдо, маркази ташхисию табобатии “Тибби Сино” ва тарабхонаи миллии “Файзулло”-ро низ ифтитоҳ кард.
Пештар корбарон аз ҷамоати Ворух бо ирсоли навор ба “Аздо тв” аз омодагиҳои мардум барои сафари Раҳмон хабар дода буданд. Корбарон сафари Раҳмонро аз 7-ум то 14-уми апрел тахмин мезаданд.
