Додгоҳе дар Олмон як пирамарди 101-соларо ба далели иҷрои вазифаи сарбозӣ кардан дар яке аз урдугоҳҳои корҳои иҷборӣ дар замони ҷанги дувуми ҷаҳонӣ ба 5 соли зиндон маҳкум кард.
Ба гузориши ББС, додгоҳи иёлати Бранденбурги Олмон Йозеф Швейтси 101-соларо барои иртибот бо лагерҳои корҳои иҷборӣ дар замони Олмони фашистӣ ба панҷ соли зиндон маҳкум кард. Ин давраи зиндон сахттарин ҷазо барои ин навъи ҷиноят маҳсуб мешавад.
Ҷозеф Швейтс куҳансолтарин нафарест, ки дар замони ҳукмронии фашистон дар Олмон барои қатли маҳбусон, бахусус яҳудиён, муҷозот ва маҳкум шудааст.
Ӯ дар давраи Ҷанги Дуюми Ҷаҳонӣ дар яке аз лагерҳои корҳои иҷбории Заксенхаузен ҳамчун сарбоз адои вазифа карда буд. Вай ба даст доштан дар куштор ва ҳабси 3500 нафар дар байни солҳои 1942 ва 1945 муттаҳам шудааст.
Додситонӣ дархост карда буд, ки ӯ ба панҷ соли зиндон маҳкум шавад. Ҷаноби Швейтз дар дифоъи худ гуфт, ки ҳамчун сарбозе, ки барои посбонии урдугоҳ фиристода шуда буд, наметавонад дар куштор масъул бошад, аммо ба гуфтаи додситонӣ, ӯ дидаву дониста ва ихтиёран дар ин урдугоҳ посбонӣ мекард ва дар натиҷа шарики ҷурм шинохта мешавад.
