Сарони Фаронса ва Иттиҳодияи Аврупо аз президенти Тоҷикистон даъват карданд, ки дар моҳи окятбр ба Порису Брюссел сафар кунад. Мухолифини Эмомалӣ Раҳмон мегӯянд, ки дар Порис Эмомалӣ Раҳмонро “пешвоз” хоҳанд гирифт.
26-уми август хабаргузории “ANINEWS” иттилоъ дод, ки Эммануел Макрон, президенти Фарноса аз Эмомалӣ Раҳмон, президенти Тоҷикистон даъват кардааст, ки 13-уми октябр ба ин кишвар сафар кунад.
Сафорати Фаронса дар Душанбе иттилоъ дода, ки сабаби даъвати Эмомалӣ Раҳмон ба Фаронса иштироки ӯ дар намоишгоҳи бахшида ба Тоҷикистон дар Осорхонаи Гиме мебошад.
Ҳамзамон 27-уми август сомонаи президент Эмомалӣ Раҳмон хабар дод, ки Шарл Мишел, Президенти Иттиҳодияи Аврупо аз президенти Тоҷикистон даъват кардааст, ки дар моҳи октябр ба Брюссел сафар кунад.
Бо даъвати Эмомалӣ Раҳмон ба Фаронса, Салмон Султонзода, узви Анҷумани озодандешони Тоҷикистон, ки яке аз чор созмони ҷамъшуда зери чатри Паймони Миллии Тоҷикистон аст, эълон кардааст, ки Эмомалӣ Раҳмонро бо ҷамъе аз мухолифин дар назди Осорхонаи Гиме дар Порис пешвоз хоҳанд гирифт.
