Сарвазири Арманистон Никол Пашинян гуфт, кишвараш расман аз Созмони паймони амнияти дастаҷамӣ (СПАД) хориҷ мешавад.
Никол Пашинян рӯзи чоршанбе зимни суханронӣ дар назди вакилони порлумони кишвараш гуфт, “Мушахас шуд, ки аъзои ин созмон бар тааҳҳудоти худ муовиқи паймон амал намекунанд, балки ҳамроҳ бо Озарбойчон барои ҷанг алайҳи мо барномарезӣ мекунанд. Ӯ ҳамчунин изофа кард, ки Ереван дар хусуси замони хуруҷ аз СПАД тасмимгирӣ хоҳад кард.
Ноумедии Арманистон аз СПАД баъд аз ҳамлаи Озорбойҷон ба Қарабоғи Кӯҳӣ бештар шуд. Нерӯҳои Озорбойҷон соли 2023 вориди Қарабоғи Кӯҳӣ шуданд ва идораи ин мантақаро ба даст гирифтанд.
Арманистон аз СПАД барои муқобила бо Озорбойҷон дархости кумак кард, аммо ин созмон ҳеч эътиное ба дархости ин кишвар накард, дар ҳоле, ки нерӯҳои низомии ин созмон соли 2022 барои муқобила бо тазоҳуротгароне, ки дар натиҷаи гарон шудани қимати сӯзишворӣ дар Қазоқистон ба хиёбонҳо баромада буданд, вориди ин кишвар шуда буданд.
Ёдовар мешавем, ки СПАД соли 2002 бо ташаббуси ҷониби Русия ташкил шуда ва ҳоло шаш кишвар – Тоҷикистон, Белорус, Арманистон, Қазоқистон, Қиғизистон ва Русия узви ин созмони амниятӣ мебошанд
ва ҳадафи аслӣ таъмини амнияти кушварҳои узви он гуфта мешавад.
