Ду фарзанди Маҳмурод Одинаев, ки бо падарашон дар беморхонаи зиндони шаҳри Ваҳдат вохӯрдаанд, мегӯянд, вазъи саломатии падарашон хуб нест ва пас аз боздошташ то ҳоло се маротиба бистарӣ шудааст.
Яке аз фарзандони Маҳмуродов, Ҳабибулло Ризоев 18-уми март дар суҳбат ба Радиои Озодӣ аз вазъи саломатии падараш нигаронӣ карда, гуфтааст, ки падараш барои дидорбинӣ бо онҳо бо кумаки асои зери бағал омад ва бар замми он барои гаштан ду нафар ӯро кумак мекунанд.
Гуфта мешавад, дар давоми 1 солу 3 моҳе, ки Маҳмурод Одинаев дар зиндонӣ шудааст, ин дидори аввалини ӯ бо пайвандонаш мебошад.
Ёдовар мешавем, ки Маҳмурод Одинаев, собиқ муовини раиси Ҳизби сотсиал-демократи Тоҷикистон моҳи январи соли 2021 бо иттиҳоми авбошӣ ва даъват ба сарнагунии ҳукумат ба 14 соли зиндон маҳкум шуд, аммо худи ӯ ва наздиконаш ин иттиҳомро рад намуда, зиндонӣ шуданӣ ӯро бо ғаразҳои сиёсӣ медонанд.
