Cомонаи “FLIGHTWARE” нишон медиҳад, ки ҳавопаймои махсуси Эмомалӣ Раҳмон рӯзи 12-уми феврал ба Чин парвоз карда, рӯзи 13-уми феврал ба Тоҷикистон баргаштааст.
Бино ба маълумоти ин сомона, ҳавопаймои махсуси Президенти Ҷумҳурии Тоҷикистон Эмомлаӣ Раҳмон бо шумораи парвози SMR1 / SZ1 (рақами қайд: EY-001) ва навъи Boeing 787-8 Dreamliner, ки ба ширкати “Somon Air” тааллуқ дорад, рӯзи 12-уми феврал аз Душанбе ба Ҷумҳурии мардумии Чин парвоз анҷом додааст.
Тибқи маълумоти сомонаҳои пайгирии парвозҳо, ҳавопаймо 12-уми феврали соли 2026, соати 07:02 ба вақти маҳаллӣ аз Душанбе парвоз карда, пас аз 6 соат дар шаҳри Sanya, воқеъ дар ҷазираи Hainan-и Чин соати 16:10 фуруд омадааст.
Тибқи маълумоти ин торномаҳо, ҳавопайоми Эмомалӣ Раҳмон рӯзи 13-уми феврал, соати тақрибан 10:00 Чинро ба самти Тоҷикистон тарк намудааст. Родорҳо нишон медиҳанд, ки ҳавопаймои Эмомалӣ 15 дақиқа пеш аз нишаст дар Душанбе, аз масири Кӯлоб убур кардааст.
Ёдовар мешавем, ки ҳавопаймои мазкур соли 2023 бо арзиши тахминан 92 миллион доллар харидорӣ шудааст. Қаблан низ парвози ин ҳавопаймо дар масири Душанбе – Ҳайнан (28-уми январ) аз ҷониби сомонаҳои байналмилалии пайгирии парвоз сабт гардида буд.
Дар бораи ҳадаф ва барномаи расмии ин сафар то ҳол иттилои муфассал нашр нашудааст.
Ин ҳам дар ҳолест, ки пас аз камнамо шудани Эмомалӣ Раҳмон, дар шабакаҳои иҷтимоӣ ва ҳатто расонаҳои минтақа сару садоҳои зиёде атрофи марг ё бемории ӯ баланд мешавад. Вале мақомоти кишвар ба таври расмӣ то ҳол дар ин бора чизе нашр накарданд.
