Пойгоҳи низомии Русия дар Тоҷикистон маъруф ба “201” дар пасманзари шиддат гирифтани вазъ дар Афғонистон бо силоҳҳои нав таъмин карда шуд.
Ин силлоҳо иборатанд аз системаҳои мушакии зиддиҳавоии “Верба”, автоматҳои навъи “Калашников”, АК-12, снайперҳои навин ва дигар силлоҳҳои оташфишони сохти муосир.
ИНТЕРФАКС бо такя ба Маркази матбуоти Округи ҳарбӣ хабар дод, ки “Пойгоҳи низомии 201-ум охирин мудели милтиқҳои АК-12, Калашников, таппончаҳои “Яригин” ба ҷои таппончаҳои “Макаров”, снайперҳои калибрии калонҳаҷми АСВК-М, мушакҳои дурпарвоз ва “Верба”-ро дарёфт карданд”.
“Ҳамаи ин силоҳҳоро ҷузъу томҳои Русия ҳангоми машқҳои муштарак бо Тоҷикистон ва Узбакистон, ки дар пасманзари нооромии вазъи Афғонистон сурат гирифтаанд, истифода кардаанд”, – гуфта мешавад дар хабар.
Ёдовар мешавем, ки пас аз нооромиҳо дар Афғонистон ва зери тасарруфи Толибон даромадани минтақаҳои марзии ин кишвар, кишварҳио ҳамсоя, бахусус Тоҷикистону Узбекистон нерӯҳои амниятии худро дар марзҳо бо Афғонистон тақвият бахшиданд.
Дар пасманзари ин нооромиҳо Тоҷикстону Узбекистон ва Русия машқҳои низомии муштаракро аз 5 то 10-уми моҳи ҷорӣ дар “Ҳарбмайдон”-наздикии марзи Тоҷикистон бо Афғонистон доир карданд.
