Ширкаткунандазои озмуни ҷумҳурияии “Фурӯғи субҳи доноӣ китоб аст” фардо дар пойтахт ҷамъ шуда, беҳтаринҳо бо мукофотҳо қадр карда мешаванд.
17-уми декбари соли 2022 дар Театри драмавии опера ва балети ба номи Садриддин Айнӣ дар шаҳри Душанбе озмуни ҷумҳурияии “Фурӯғи субҳи доноӣ китоб аст-2022”, ҷамъбаст карда мешавад.
Вазорати маорифи ва илми Тоҷикистон мегӯяд, ки дар ин озмун 442 нафар ширкат кардааст. Аз ин теъдод 229 нафарро муҳассиллини мактабҳо ва муассисаҳои ибтидоии касбӣ (синфҳои 1-11) ташкил медиҳанд.
Инчунин дар сафи иштирококунандагони ин озмуни ҷумҳурявӣ аз ҳисоби донишҷӯён (магистрантон, аспирантон)-и муассисаҳои таҳсилоти миёна ва олии касбӣ 83 нафар ширкат кардааст ва 130 нафари ахирро ҳам касоне ташкил медиҳанд, ки ба касби омӯзгорӣ ва дигар касбу корҳо машғуланд.
Гуфта мешавад, “Озмуни ҷумҳуриявии “Фурӯғи субҳи доноӣ китоб аст”, аз рӯйи 5 номинатсия – адабиёти кӯдакону наврасон ва осори шифоҳӣ, адабиёти классикии тоҷик, адабиёти муосири тоҷик, адабиёти ҷаҳон ва эҷоди назму наср” баргузор гардид.
Ин озмун имрӯз, 16-уми декабри соли ҷорӣ “вобаста ба гурӯҳҳо миёни хонандагони синфҳои ибтидоии муассисаҳои таҳсилоти умумӣ (синфҳои 1-4), хонандагони муассисаҳои таҳсилоти умумӣ (синфҳои 5-11) ва ибтидоии касбӣ (синфҳои 10-11), донишҷӯёни муассисаҳои таҳсилоти миёна ва олии касбӣ (бакалавр, магистр) ва докторантҳои муассисаҳои таҳсилоти олӣ ва илмӣ ҷамъбаст гардида аст”.
