Намояндаи ваколатдори ҳукумати Қирғизистон дар минтақаи марзии Бодканд, ки чанде пеш дар он ҷо низои мусаллаҳона бо Тоҷикистон рух дод, Омурбек Суваналиев истеъфо дод. Дар ин бора рӯзи сешанбе оҷонсии “Кabar” бо истинод ба намояндаи ваколатдор хабар дод.
Тибқи иттилои агентӣ, истеъфои Суваналиев бо гузаштан ба вазифаи дигар рабт дорад. Ҳамзамон, бино ба иттилои портали 24.kg, Суваналиев бо фармони сарвазир Улукбек Марипов аз вазифа сабукдӯш шудааст.
“Имрӯз сарвазир Улукбек Марипов ба ман занг зада гуфт, ки маро аз вазифа озод кардаанд. Ман худи фармонро надидаам, занг кофист. Пагоҳ ман бо оилаам ба Ош меравам, муддате дар он ҷо мемонам ва баъд ба Бишкек меоям”, – гуфтааст собиқ Намояндаи ваколатдори ҳукумати Қирғизистон дар минтақаи марзии Бодканд.
Суваналиев моҳи октябри соли 2020 намояндаи ваколатдори ҳукумат дар минтақаи Бодканд шуд. Қабл аз ин, ӯ муовини дабири Шӯрои Амнияти Қирғизистон буд.
