Субҳи рӯзи 10-уми октябр Русия шаҳрҳои Украина, ба хусус Киевро бомборон кард, ки дар натиҷа аз мардуми осоишта чандин нафар кушта ва захмӣ шуданд.
Ба гузориши мақомоти Украина, нерӯҳои Русия субҳи имрӯз бар болои шаҳрҳои Одеса, Харкиев, Миколаев ва Киев 75 мушакҳои гуногун партоб карднд, ки 45-тои онро нерӯҳои украинӣ тавонистанд хунсо каунанд.
Мақомоти украинӣ мегӯянд, Русия бо бомборони имрӯзааш инфрасохторҳои муҳимро нобуд карда, аз ҷумла пули Кличкои Киевро тарконд ва инчунин ба харобкории зиёд даст задааст.
Гуфта мешавад, дар аксар шаҳрҳои Украина бар асари бомборони имрӯзаи Русия ҳоло обу барқ қатъ шуда, аз мардум хоста шуда, ки аз паноҳгоҳҳо набароянд.
Ба гуфтаи коршиносон, Русия дар ивази таркиши пули Қрим, ки рӯзи шанбе рух дод ва қисме аз он фурӯ рехт, Украинаро бомборон кард. Путин дар таркиши пули Қрим Украинаро муттаҳам када буд.
