Хадамоти муҳоҷирати Тоҷикистон эълом кардааст, ки барои муҳоҷирони кории кишвар дар шаҳрҳои Хабаровск, Владивосток, Краснодар ва Уляновски Русия кор пайдо кардааст.
Хадамоти муҳоҷират синну соли муҳоҷирони довталабро аз 22 то 50 сол зикр карда, гуфтааст, довтабоне даъват карда мешаванд, ки ҳунарҳои хиштчинӣ, челонгарӣ, сангчинӣ, рангмолӣ ва ё барқчигиро дошта бошанд.
Ба иттилои ин манбаъ, музди меҳнат барои муҳоҷирони корӣ дар ин шаҳрҳо аз 45 то 70 ҳазор рубли русӣ дар назар гирифта шудааст. Инчунин “тамоми хароҷоти вобаста ба роҳкиро, омода намудани ҳуҷҷатҳои корӣ, ҷои зист ва хурок аз ҳисоби кордиҳанда таъмин карда мешавад.”
Хадамоти муҳоҷирати Тоҷикистон нагуфтааст, ки дар ин шаҳрҳо барои чӣ қадар муҳоҷири меҳнатӣ ҷои кор пайдо кардааст, аммо пеш аз ин мақомоти Русия борҳо эълон карда буданд, ки дар бузургшаҳрҳо ва бузургтарҳои сохтмонӣ, роҳсозӣ ва хадамоти лоҷистикӣ дар паҳнои ин кишвар ба садҳо ҳазор муҳоҷири корӣ аз кишварҳои Осиёи Марказӣ ниёз доранд.
