Мақомоти Русия рӯзи душанбе, 1-уми майи соли ҷорӣ 20 дипломоти Олмонро аз кишвараш ихроҷ кард. Гуфта мешавад, ин иқдоми Русия дар пайи ихроҷи дипломатҳои Русия аз Олмон гирифта шудааст.
Вазорати хориҷаи Олмон бо нашри баёнияе гуфт, ки бахше аз коркунони намояндагиҳои дипломатии Олмон рӯзи душанбе хоки Русияро бо дархости Маскав тарк карданд. Маскав ҳам пештар хабар дода буд, ки 20 дипломати олмониро дар посух ба ихроҷҳои дипломатҳои рус аз Олмон ихроҷ хоҳад кард.
Гуфта мешавад, мақомоти Олмон дар миёнаҳои моҳи апрели соли ҷорӣ шуморе аз дипломотҳои русро ба далели “кам кардани ҳузури хадамоти истихборотӣ” аз ин кишвар берун кард. Бори аввал баҳори соли 2022 Олмон низ ҳудуди 40 дипломати Русияро ба ҳамин далел ихроҷ карда буд.
Бино ба гуфтаи хадамоти амниятии Олмон, аз замони оғози даргириҳо дар Украина, ҷосусии Русия дар Олмон бо суръат афзоиш ёфта, ки дар солҳои ахир бесобиқа будааст.
