Бо супориши Рустами Эмомалӣ, шаҳдори пойтахт фаввораи назди бинои парлумон дар маркази шаҳри Душанбе пурра аз байн бурда шуда, ҷои он гулгашт табдил хоҳад шуд.
Фавораи назди бинои парлумони Тоҷикистон, ки дар маркази шаҳри Душанбе, рӯ ба рӯи муҷассамаи Исимоили Сомонӣ сохта шуда буд, яке аз нишонҳо ва осори таърихии шаҳри Душанбе шинохта мешуд, ки сокинон ва зоирон сайёҳон хотироти зиёде аз ин фаввора доранд.
Гуфтанист, пеш аз ин тобистони соли ҷорӣ бо супориши шаҳрдорӣ фаввораи назди бинои Чойхонаи Роҳат ҳам дар маркази пойтахт тахриб ва макони он ба гулшат табдил ёфта буд.
Тахриби осори боқимонда аз замони Тоҷикистони Шӯроӣ, ки дар замони Иттиҳоди Шӯравӣ сохта шуда буданд, тайи даҳ соли ахир суръати бештаре касб кард, ҳукумат талош дорад, ки тамоми осор ва нишонаҳои таърихиро аз шаҳри Душанбе аз байн барад ва ба ин тариқ ба наслҳои баъдӣ нишон диҳад, ки бунёнгузори Душанбеи навин Эмомалӣ Раҳмон аст.
