Сафари Эмомалӣ Раҳмон ба Суғд

Президент Эмомалӣ Раҳмон пеш аз он, ки ба хонаводаи сарбози кушташуда дар марзи Тоҷикистон бо Қирғизистон ибрози ҳамдардӣ кунад, барои ҷашну пойкӯбӣ вилояти Суғд рафт.

Бино ба иттилои расмӣ, субҳи имрӯз, 14-уми апрели соли 2022 Президенти Тоҷикистон Эмомалӣ Раҳмон сафари худ ба вилояти Суғдро аз ноҳия Айнӣ оғоз карда, сипас барои иштирок дар ҷашни наврӯзӣ ва барномаи театрии он ба шаҳри Панҷакент рафт.

Дар ин сафар Президенти Тоҷикистон Эмомалӣ Раҳмонро шахсони расмӣ, аз ҷумла муовини Сарвазири кишвр Сатториён Матлубахон Амонзода, раиси вилояти Суғд Раҷаббой Аҳмадзода ва дигар шахсони расмӣ ҳамроҳӣ мекунанд.

Эмомалӣ Раҳмон зимни сафари худ

Бо ин вуҷуд, Эмомалӣ Раҳмон, ки пеш аз ифтитоҳи тамоми ин иношооти хусусӣ, ҷамъиятӣ ва давлатӣ бо соҳибмулкону соҳибкорон ва масъулин суҳбатҳои мухтасару муфассале ҳам дошт, аммо Хадамоти матбуоти Президент ҳеч куҷое ишора накардааст, ки Раиси Ҳукумат боре аз вазъи бесуботи сарҳад дар марз бо Қирғизистон суҳбат карда бошад ё нисбат ба қурбониёни ҳодисаҳои ду рӯзи пеш изҳори тасаллияту шифо хоста бошад.

Гуфта мешавад, донишҷӯёну толибилмони муассисаҳои таълимии шаҳру деҳоти Панҷакент барои ин хушгузаронии ин маросими ҷашни наврӯзӣ ва пойкӯбии Эмомалӣ Раҳмон зиёда аз як моҳ омодагӣ дидаанд.

                                              Амруллоҳи НИЗОМ, махсус барои АЗДО тв