Бино ба иттилои расонаҳо, пагоҳ, 18-уми июли соли 2023 Эмомалӣ Раҳмон дар раъси як ҳайат бо сафари дурӯза ба Арабистони Саудӣ меравад.
Президенти Тоҷикистон ва дигар сарони кишварҳои Осиёи Марказӣ ба хотири иштирок дар ду нишасти минтақавӣ иборат аз 18-умин нишасти машваратии раҳбарони кишварҳои узви Шӯрои ҳамкории кишварҳои арабии Халиҷ ва дувумӣ Нишасти Сарони кишварҳои Халиҷ ва Осиёи Марказӣ, ки қарор аст 19-уми июли соли ҷорӣ дар шаҳри Ҷиддаи Арабистони Саудӣ баргузор шавад, даъват шудаанд.
Гуфтам мешавад, ин сафар бо даъвати расмии Шоҳ Салмон бин Абдулъазиз, подшоҳи Арабистони Саудӣ анҷом шуда ва интизор меравад, бо истифода аз ин сафари дурӯза ҳайтҳое ба зиёраи Хонаи Худо ҳам рафта, ибодати Умраро анҷом диҳанд.
Ба Арабистони Саудӣ сафар кардани Эмомалӣ Раҳмон ва Умра кардани ӯ дар ҳоле расонаӣ мешавад, ки чанде пеш Тоҷикистон дар радабандиҳои созмонҳои байналмилалӣ яке аз кишварҳои ноозоди дунё шуморида шуда, дар масъалаи нақзи ҳуқуқи диндорон мавриди интиқод қарор гирифта буд. Тибқи гузоришҳои ин созмонҳо, мақомоти Тоҷикистон алаҳи диндорон, ба хусус занони ҳиҷобпӯшу мардони ришдор маҳдудиятҳои зиёд ҷорӣ карда, як фазои тарсеро дар байни ин қишри ҷомеа ба вуҷуд овардаанд. Ҳатто худи Эмомалӣ Раҳмон аз рафтани шаҳрвандон барои адои Умра дар моҳҳои Рамазон ва ғайри он интиқод кард ва гуфт, ки пеши ин роҳ гирифта шавад.
