Рӯзи душанбе Владимир Путин, расиҷумҳури Русия бо як сафари расмӣ вориди Муғулистон шуд.
Дар фурӯдгоҳи Улан Батори Муғулистон Владимир Путинро мақомоти расмии ин кишвар пешвоз гирифтанд.
Ин сафар дар ҳоле сурат мегирад, ки Додгоҳи байналмилалии ҷиноӣ моҳи марти соли гузашта ҳукми боздошти Владимир Путинро бо итиҳоми иниқоли садҳо кӯдаки украинӣ ба Русия содир карда буд.
Созмони Дидбони Ҳуқуқи Башар аз Муғулистон хостааст, аз вуруди Владимир Путинр ба ин кишвар пешгирӣ ва ӯро боздошт кунад. Гуфта мешавад, Муғулистон узви Додогоҳи байналмилалии ҷиноӣ буда, муввазаф аст Владимир Путинро боздошт кунад.
Дар ҳамин ҳол Украина низ аз Муғулистон хостааст Путинро боздошт кунад.
Русия ҳамеша ин итиҳомотро рад карда ва ҳукми Додгоҳи байналмилалии ҷиноиро “дорои ангезаи сиёсӣ” медонад.
Ба гуфтаи таҳлилгарон, ин сафар барои он ба Русия аҳмият дорад, ки хатти лӯлаи газ аз Русия ба Чин аз масири Муғулистон мегузарад. Русия чанд сол боз аз сохти хатти лӯлаи газ барои интиқоли 50 миллиард мукааб газ аз Русия ба Чин суҳбат мекунад.
