Раисҷумҳури Тоҷикистон Эмомалӣ Раҳмон имрӯз, 10-уми ноябр барои иштирок дар нишасти изтирории сарони кишварҳои узви Созмони ҳамкории исломӣ ба Арабистони Саудӣ сафар кард.
Дар ин бора Хадамоти матбуоти президенти Тоҷикистон зуҳри имрӯз хабар дод.
тибқи иттилои манбаъ, дар ин сафар Раҳмонро ёрдамчиаш дар масъалаҳои робитаҳои хориҷӣ, вазирони рушди иқтисод ва савдо, молия, муовини Вазири корҳои хориҷӣ ва дигарон ҳамроҳӣ доранд.
Гуфта мешавад, нишасти изтирории сарони кишварҳои узви Созмони ҳамкории исломӣ фардо, 11-уми ноябр дар шаҳри Риёз, пойтахти Арабистони Саудӣ баргузор хоҳад шуд.
Дар ин нишаст сарони 57 кишвари узви ин созмон ҳодисаҳои охир дар Фаластин, оташбас дар Ғазза, фиристодани кумаки башардӯстона ба ин минтақа ва ғайраро баррасӣ хоҳанд кард.
