Имрӯз 27-уми июл вазири дифои Ҳиндустон Раҷнат Сингҳ бо сафари расмӣ барои се рӯз вориди Душанбе шуд.
Ин сафар дар чорчӯби нишасти вазирони дифои аъзои Созмони ҳамкории Шонхай, ки дар Душанбе баргузор мегардад, иҷро шудааст.
Дар ин маврид вазири дифои Ҳиндустон дар саҳифаи тивиттериаш хабар дод. “Ман муштоқона мунтазири баҳс дар мавриди мавзуоти марбут ба дифоъ ва ҳамкориҳои минтақа ҳастам”, – менависад вазири дифои Ҳиндустон.
Дар ҳамин ҳол АМИТ “Ховар” низ аз сафари вазири дифои Чин Вэй Фэнхэ ва мулоқоти ӯ бо Эмомалӣ Раҳмон дар Душанбе хабар дод.
