Рӯзи 27 январи соли равон Имомуддин Сатторов Сафири Фавқулода ва Мухтори Ҷумҳурии Тоҷикистон дар Федератсияи Русия бо сардори Сарраёсати Вазорати корҳои дохилии Русия оид ба масъалаҳои муҳоҷират Валентина Казакова мулоқот намудааст.
Бино ба иттилои сомонаи Сафорати Тоҷикистон дар Руися, дар ин мулоқот ҷонибҳо дурнамои рушди ҳамкориҳои дуҷонибаи Тоҷикистону Русия вобаста ба масоили танзими ҳуқуқии иқомати шаҳрвандони Тоҷикистон, хусусан муҳоҷирони меҳнатӣ, дар ҳудуди Русия мавриди муҳокима қарор гирифтааст.
Гуфта мешавад, ки масъалаҳои марбут ба лағви қарорҳо ҷиҳати манъи воридшавии гуруҳи муайяни шаҳрвандони Тоҷикистон ба Русия мавриди баррасӣ гардидааст.
Ҳамчунин дар дидор Сафири Тоҷикистон ба масъулини ВКД-и Русия пешниҳод намудааст, ки шаҳрвандони мутахассиси Тоҷикистон ба ин кишвар барои кор даъватт карда шаванд.
