Раҳбари сиёсати хориҷии Иттиҳоди Аврупо бо вазири корҳои хориҷии Тоҷикистон дар шаҳри Самарқанди Узбекистон мулоқот мекунад.
Бино ба иттилои сомонаи Намояндагии Иттиҳоди Аврупо дар Узбекистон, қарор аст имрӯз, 18-уми ноябри соли 2022 раҳбари сиёсати хориҷии Иттиҳоди Аврупо дар шаҳри Самарқанд бо вазири корҳои хориҷии Тоҷикистон мулоқот кунад.
Ин мулоқоти вазири корҳои хориҷии Тоҷикистон ба раҳбари сиёсати хориҷии Иттиҳоди Аврупо дар ҳошияи нишасти Вазирони корҳои хориҷии кишварҳои Осиёи Марказӣ ва Иттиҳоди Аврупо дар шаҳри Самарқанд баргузор мешавад.
Гуфта мешавад, ҳар чанд рӯзномаи нишасти навбатии вазирони корҳои хориҷии кишварҳои Осиёи Марказӣ бо раҳбари сиёсати хориҷии Иттиҳоди Аврупо бештар рӯи масоили вобаста ба амният, иқтисод, тиҷорат, ҳамлу нақл ва рушди иқтисоди сабз баҳс мекунад.
Аммо пеш аз баргузории он бархе созмонҳои ҳомии ҳуқуқи башар аз Ҷозеп Боррел хоста буданд, ки дар мулоқот бо ҳамтоёнаш аз Тоҷикистону Узбекистон ва Қазоқистону Қирғизистон масоили вобаста ба нақзи ҳуқуқи башар, боздошту шиканҷа ва зиндонӣ кардани эътирозгарон, журналистон ва блогеронро ҳам ба миён гузорад.
