Марзбонони Қирғизистон бо ирсоли чанд паҳпод (дрон)-ҳо мехоҳанд қаламрави Тоҷикистонро назорат кунанд. Дар ин бора корбаре дар шабакаи иҷтимоии Фейсбук бо номи Як рӯз пеш низ ин корбар аз сарнагун кардани як паҳподи қирғизӣ тавассути марзбонони тоҷик дар марзи нохияи Ботканд бо Исфараи вилояти Суғд хабар дода буд. Дар хабар омада аст, ки ин ҳавопаймои бесарнишин шаби 31-уми мохи майи соли ҷорӣ дар наздикии деҳаи Хоҷа Аълои ноҳияи Исфара ҳангоми тасвирбардорӣ аз манотиқи марзӣ тавассути марзбонони тоҷик сарнагун шуда аст. То лаҳзаи интишори ин хабар мақомоти расмии Тоҷикистон ва Қирғизистон дар ин маврид ибрози назар накардаанд. Пас аз даргирии хунини марзӣ рӯзҳои 28-29 моҳи апрели соли ҷорӣ миёни марзбонони тоҷику қирғиз, ки беш аз 300 куштаву захмӣ бар ҷой гузошт Қирғизистон марзҳои заминиву ҳавоияшро бо Тоҷикистон баст ва вуруди тоҷикҳоро ба қаламраваш мамнуъ кард.
Сарнагунии як паҳподи тасвирбардори Қирғизистон тавассути марзбонони тоҷик
