Корбарон дар шабакаҳои иҷтимоӣ аз даргузашти Қурбоналӣ Абдуллоев (Қурбоналӣ Абдулло) овозхони шинохта ва ҳунарманди мардумии Тоҷикистон гуфтанд. Сабаби марги ҳунармандро вируси “COVID-19” гуфтаанд.
Гуфта мешавад, овозхон дар сини 57 даргузаштааст, ки корбарон аз даргузашти ӯ афсус хурда, бо андӯҳи зиёд аз хабари марги ин ҳунарманди тоҷик менависанд. Бисёре аз корбарон дар шабакаҳои иҷтимоӣ, ба аҳли оилаи Қурбоналӣ Абдуллоев изҳори ҳамдардӣ баён намудаанд.
Радои озодӣ низ дар тасдиқи ин хабар навишт, ки овозхон рӯзи 11-уми январ дар 57-солагӣ дар Душанбе даргузашт.
Ба гуфтаи пайвандон Қурбоналӣ Абдуллоев дар шифохонаи касалиҳои сироятӣ дар маҳаллаи Зарафшони шаҳри Душанбе бистарӣ буд ва давоми ду моҳи охир дар бемористон зери дастгоҳи нафасдиҳии сунъӣ қарор дошт.
Маросими дафни овозхон 12-уми январ дар шаҳри Ваҳдат баргузор мешавад. Корбарон гуфтаанд овозхонро бештар бо суруди “ҚИШЛОҚАКИ МАН БУЙИ ЧАПОТӢ ДОРАД”, мешиносанд.
Овозхон вақтҳои охир дар шаҳри Краснодари Русия, зиндагӣ мекрд ва соле пеш ба Тоҷкистон омада аз сабаби банд будани роҳҳо натваонист дигарбора ба онҷо баргардад. Ӯ бештар аз 30 сол овозхонӣ карда то соли 2014 дар ансбамли Дарё фаъолият мекард ва чанд моҳе пештар дар расонаҳо хабари аз саҳна рафтанаш низ нашр шуда буд.
