Бино ба иттилои Хадамоти матбуоти Вазорати меҳнат ва шуғли аҳолии Узбекистон 196 шаҳрванди ин кишвар бо парвози чартерӣ барои кор ба вилояти Амури Русия фиристода шуданд.
Рӯзи 25 декабри соли равон ин Вазорат бо нашри як хабар гуфт, ки “дар мувофиқа бо корфармоёни Русия ва созмонҳои масъул, шаҳрвандони Узбекистон барои кори муваққатӣ ба Федератсияи Русия фиристода мешаванд”.
Ҳамчунин зикр гардидааст, ки муҳоҷирон пас аз гузаронидани 14 рӯзи карантин бо назардошти талабот ва маҳдудиятҳои муқарраршудаи эпидемиологӣ, дар сохтмонҳо ба кор шурӯъ мекунанд.
Ин дар ҳолест, ки чанде пеш масъулни сохтмонҳо дар Русия аз набдани қувваи корӣ шикоят карда буданд, ҳамунин аз Ҳукумат дархост карда буданд, ки ба муҳоҷироне, ки дар сохтмонҳо фаъолият мекунанд, иҷозаи вуруд дода шавад.
Вале то ба имрӯз маълум нест, ки оё муҳоҷирон аз Тоҷикистон ҳам даъват мешаванд ё хайр.
Дар сурати даъват гардидани муҳоҷирон садҳо ҳазор нафар омодаанд, ки барои кор аз Тоҷикистон ба Русия раванд, чун дар кишвар ҷои кор надоранд.
