Шавкати Муҳаммад, ровии барномаҳои телевизионии “Паём” дар робита ба боздошту зиндонӣ шудани бародараш ибрози назар кард.
Ин мухолифи тоҷик рӯзи чоршанбе, 31-уми июл дар суҳбат бо Azda TV гуфт: “Мо аз расонаҳо фаҳмидем, ки бародарам моҳи март муҳокима шудааст, дар ҳоле, ки бародарам Аслиддин Шарипов якуми октябри соли 2023 аз Русия ба Тоҷикистон истирдод шуда буд.”
Ӯ дар идома гуфт, ки “Аз зомони истирдод мо ду моҳ бародарамро ҷустуҷӯ кардкем, баъд аз ду моҳ Прокуратураи генералии Русия ба номаи мо ҷавоб дада гуфт, ки бародари ман дар яке аз боздоштгоҳи шаҳри Хуҷанд қарор дорад. Баъд аз он танҳо як нафар ба ҳамсари бародарам занг зада, гуфтааст, ӯ адвакати давлатӣ мебошаду мехоҳад аз ҳуқуқҳои бародарам дифоъ кунад. Пул талаб кардааст, ки гӯё бо додарам вомехӯрад, вале бо ҳамин ин адвокат ғайб зад.”
Шавкати Муҳаммад ҳамчунин гуфт, ки ҳатто интиқол ёфтани бародараш аз Боздоштгоҳи шаҳри Хуҷанд ба яке аз зиндонҳои шаҳри Душанберо низ аз тириқи расонаҳо фаҳмидаанд. Ӯ афзуд, ки аз хонаводаашон то ҳол дақиқ намедонад, ки Аслиддин дар кадом зиндон аст ва ҳатто намедонанд зинда аст ё на.
Ин мухолифи тоҷик мегуяд, бародараш ҳеч гуноҳе надорд ва агар ҳадафи мақомоти Тоҷикистон “бастини даҳони ман бошад, ҳеҷгоҳ даҳони ман баста нахоҳад шуд.”
Ёдовар мешавем, ки Додгоҳи шаҳри Хуҷанд Аслиддин Шарипов, бародари Шавкати Муҳаммадро барои 12 сол аз озодӣ маҳрум кард.
Дар ин бора рӯзи 29-уми июл Радиои Озодӣ аз манобеи худ хабар дод. Ин расона навишт, ки муҳокимаҳои додгоҳии Шарипов дар шаҳри Хуҷанди вилояти Суғд доир шуда, моҳи марти соли ҷорӣ ҳукми ӯ содир шуда буд. Вале то кунун ҳатто наздиконаш дар ин бора хабар надоштаанд.
Чанде аз кумита ва созмонҳои ҳуқуқӣ боздошту зиндонӣ шудани Аслиддин Шариповро маҳкум карданд. Аз ҷумла, Кумитаи шаҳрванди наҷоти гаравгонҳо ва зиндониёни сиёсӣ Тоҷикистон, ки дар Аврупо фаолият дорад, бо интишори баёнияи зиндонӣ шудани Шариповро маҳкум карда, ҳукми эълоншуда алайҳи ӯро ноодилона хонда ва хостори озодии ӯ шудааст.
