Умумӣ

Ширкати IRS барои зимистон омодагӣ мебинад

Раҳбарияти ширкати IRS (

Гуфта мешавад, ки ширкат барои пешгирӣ аз зарарҳои эҳтимолии барфу тарма 4312,5 метри кубӣ маводи зиддилағжиш, 150000 ли сӯзишвории дизелӣ, 80 тонна ангишт, 30 метри кубӣ ҳезум, 4100 литр равғани молиданӣ, 1700 литр антифриз захира намудааст.

Масъулини ширкати IRS иддао кардаанд, ки тармими роҳи Душанбе-Хуҷанд – ки дар ихтиёри ин ширкат қарор дорад, дар аввлавияти кори онҳо қарор дорад, ба хусус дар фасли сармо масъулон мунтазам барои рафъи паёмадҳои тармафароӣ кор мекунанд.

Иддаои масъулини ширкат барои тоза нигоҳ доштани роҳ аз тармафароӣ ва тармими ҳамешагии он дар ҳолест, ки ронандагони мошинҳо, ба хусус мусофиркашон аз вазъи ногувор ва хатарнок будани он дар фасли зимистон нигаронӣ мекунанд.

Раҳбарияти ширкат гуфтаанд, ки имсол таъмиру таҷдиди роҳ бо нишондиҳандаҳои арзанда ва аз нақша барзиёд иҷро гардидааст. Ба гуфтаи масъулин, дар минтақаи Варзоб масоҳати 111759 метри мураббаъ ва дар Зарафшон 169305 метри мураббаъи роҳ имсол таъмир гардид.

Инчунин зикр мешавад, ки дар минтақаи Суғд низ 4000 тонна қум, 350 тонна намак, 40000 литр сӯзишвории дизелӣ, 20 тонна  ангишт, 20 метри мураббаъ ҳезум захира шуда, 34 адад техникаву механизм ба мавсими зимистон пурра омодаанд.

Мусофирон ва мусофиркашон ҳамеша шикоят мекунанд, ки масъулини ширкат аз мошинҳое, ки аз ин роҳ истифода мекунанд, маблағи ҳангуфт мегирад, аммо роҳ ба меъёрҳои байналмиллалӣ ҷавобгӯ нест. Ба хусус нақбҳои торику роҳҳои ноҳамвори он. Ва ҳамасола даҳҳо мошин дар ин роҳ садама мекунад ва ё аз баландӣ ба поён сарозер мешавад, ки боиси марги шаҳрвандон мегардад.

Роҳи Душанбе – Чаноқ дар Тоҷикистон ягона роҳи пулакӣ маҳсуб мешавад, ки пойтахтро ба шимоли кишвар мепайвандад. Ин роҳ соли 2009 бо сармоягузории як ширкати чинӣ бо маблағи 296 млн доллари амрикоӣ бозсозӣ шуда, соли 2010 ба кор оғоз кард.

Вале то ҳол ҳукумати Тоҷикистон моликони асосии ин роҳро ошкор намекунад. Инчунин маълум нест, ки даромади ин роҳ дар куҷо ва чӣ гуна масраф мешавад.

Коршиносони мустақил ҳадс мезананд, ки зоҳиран даромади роҳи мазкур ба ҷайби яке аз домодҳои Эмомалӣ Раҳмон, Ҷамолиддин Нуралиев муовини аввали раиси Бонки миллии Тоҷикистон меравад. Вале аз намояндагони Ҳукумат касе ҳам омода нест дар ин бора чизе бигӯяд.

Ёдовар мешавем, ки дарозии роҳи Душанбе-Чаноқ 354 километр буда, дар масири он 3 нақб (Майхура, Истиқлол ва Шахристан) ва 24 силсиладевори ҳифозатӣ вуҷуд дорад.

AZDA TV
AZDA TVhttp://azda.tv/

Хабарро таблиғ кунед:

БЕШТАР БИХОНЕД
БЕШТАР БИХОНЕД

HRW аз Олмон талаб кард, ки ихроҷи Асадулло Бобоевро шарҳ диҳад

AZDA-TV -
Созмони байналмилалии Дидбони ҳуқуқи башар (Human Rights Watch) аз мақомоти Олмон талаб карда, ки ихроҷи фаъоли мухолифи тоҷик Асадулло Бобоевро ба Тоҷикистон шарҳ диҳанд.

Душанбе ва САҲА: идомаи ҳамкориҳо бо вуҷуди курсии холии Душанбе дар Варшава

AZDA.TV -
Пас аз иштирок накардани Тоҷикистон дар нишасти САҲА, намояндаи ин ниҳод бо мақомоти тоҷик дар Душанбе гуфтугӯ карданд.

Рӯзи маҳбусони сиёсӣ: беш аз як миллион маҳбуси сиёсӣ дар ҷаҳон

Azda TV 3 -
То имрӯз дар саросари ҷаҳон беш аз як миллион нафар ба сабаби фаъолиятҳои сиёсӣ ва ё дигарандешӣ дар зиндонанд.

Муҳоҷирон аз Осиёи Марказӣ камтар, вале аз Ҳиндустон ва Чин бештар

AZDA-TV -
Русия дар пасманзари ҷанг алайҳи Украина ва камбуди шадиди қувваи корӣ ҷалби муҳоҷирони кориро зиёд кардааст.