Парлумони Тоҷикистон пешниҳоди Эмомалӣ Раҳмонро дар мавриди барканории Юсуф Раҳмон аз мансаби Додситони кул ва Шермуҳаммад Шоҳиён аз вазифаи раиси Додгоҳи Олӣ пазируфт.
Маҷлиси миллии Маҷлиси Олии Ҷумҳурии Тоҷикистон ин пешниҳоди раисҷумҳури худкомаи кишвар Эмомалӣ Раҳмонро дар иҷлоси 21-уми худ рӯзи 3-юми феврали соли ҷорӣ, ки бо роҳбарии Рустами Эмомалӣ, раиси палатаи болоии парлумон қабул кард.
Инчунин аъзои Маҷлиси миллии кишвар розӣ шуданд, ки Ҳабибулло Воҳидзодаи 60-сола додситони кул ва Рустам Мирзозодаи 50-сола раиси Додгоҳи олии кишвар таъйин шаванд.
Гуфта мешавад, Юсуф Раҳмон ва Шермуҳаммад Шоҳиён беш аз даҳ сол раҳбарии ниҳодҳои қазоии кишварро бар уҳда доштанд.
Дар замони раҳбарии онҳо ниҳодҳои қазоии кишвар ба ниҳоди саркӯбгари мухолифону озодии баён табдил ёфта, дар Тоҷикистон боздоштҳои дастҷамъӣ, ҳукмҳои дарозмуддат, зиндонӣ шудани фаъолону хабарнигорон бештар шуда буд.
Шоҳиён дар садри рӯйхати номзадҳо ба вакилии парлумон аз ҷониби Ҳизби халқии демократии Тоҷикистон қарор дорад, аммо то ҳол Юсуф Раҳмон, ки қудои раисҷумҳур низ мебошад ба ҳеҷ мақоме таъйин нашудааст.
