Шӯрои вазирони корҳои хориҷии кишварҳои узви Созмони Амният ва Ҳамкории Аврупо (САҲА) дар Лаҳистон гирди ҳам ҷамъа шуда, дар бораи паёмадҳои ҳамлаҳои Русия ба Украина суҳбат мекунанд.
1-уми декабри соли 2022, ҷаласаи 29-уми Шӯрои вазирони корҳои хориҷии кишварҳои узви Созмони Амният ва Ҳамкории Аврупо дар шаҳри Лодзи Лаҳистон бо ҳузури намоядаҳои 57 кишвари узви ин созмон ва шарикони он ба кори худ оғоз кард.
Дар ин ҷаласа баҳси асосӣ дар бораи ҳамлаҳои Русия ба Украина, зарарҳои он ба мардум ва ҳамсояҳои он, таъсиси кумитаи ҳақиқатёбе, ки хисороти ин ҷангҳоро ҳисобу китоб карда, сипас ҷуброни онро аз Русия талаб кунад, арзёбӣ шудааст.
Инчунин раиси Ассамблеяи парлумонии САҲА Маргарета Седерфелт гуфтааст: “Мо наметавонем беҷазоиро таҳаммул кунем. Шӯрои вазирони САҲА бояд барои таъсиси як ниҳоди баландпояи таҳқиқи хисороти аз ҷониби Федератсияи Русия ба Украина расонидашуда ва арзёбии ҷуброни зарар ва ҷубронпулие, ки Русия бояд барои он масъул бошад, чораҳо андешад. Русия ин ҷангро оғоз кард ва бояд маблағи онро пардохт кунад.”
Гуфта мешавад, дар кори ин ҷаласа мақомоти олии Лаҳистон ҳам иштирок ва суханронӣ карданд. Ҷаласаи Шӯрои вазирони сиёсатҳои хориҷии кишварҳои узви САҲА дар бораи ҳамлаҳои Русия ба Украина ва паёмадҳои он суҳбат мекунанд, ки шахси вазири корҳои хориҷии Русия Сергей Лавров ба он даъват нашудааст.
