Ҳаҷми содироти филизоти қиматбаҳо дар Тоҷикистон дар семоҳаи аввали соли ҷорӣ нисбат ба ҳамин давраи соли 2021 88% коҳиш ёфтааст.
Тибқи омори расмӣ, дар моҳҳои январ-марти соли 2022 даромад аз фурӯши филизоти қиматбаҳо беш аз 85 миллион долларро ташкил додааст. Ин дар щолест, ки дар се моҳи аввали соли гузашта ҳаҷми филизоти қиматбаҳо ҳудуди 709 миллион долларро ташкил дода буд.
Бино ба иттилои Вазорати саноат ва технологияҳои нави ҷумҳурӣ, дар кишвар 18 корхонаи истихроҷи тилло фаъолият доранд ва истеҳсоли ин навъи металл сол то сол афзоиш ёфта истодааст. Аммо омори дақиқ дар ин бора дода нашудааст.
Гуфта мешавад, соли гузашта ба маблағи 896,6 миллион доллар филизоти қиматбаҳо фурӯхта шуда, он 41,7 дарсади ҳаҷми умумии содироти кишварро ташкил додааст. Ин нишондод нисбат ба соли 2020 30% зиёд аст.
