Эмомалӣ Раҳмон бо судури фармонҳо ва қарорҳои худ раисони ду ноҳияи кишварро аз курсиҳояшон барканор ва ба ҷои онҳо кадрҳои ҷадидеро таъйин кард.
Бино ба иттилои расмӣ, субҳи имрӯз, 2-уми майи соли 2023 Эмомалӣ Раҳмон раиси ноҳияи Варзоб Сафарзода Шарифхон Нураҳмад ва раиси ноҳияи Ховалинги вилояти Хатлон Маҷидӣ Муҳтадӣ Хайруллоро аз мақомҳояшон барканор карда, бо фармонҳои алоҳида кадрҳои наверо ба ин мансабҳо таъйин кард.
Эмомалӣ Раҳмон дар фармонҳои худ таъкид карда, ки раисони ноҳияҳои мазкур “бо сабаби ба кори дигар гузаштан” аз вазифаҳои худ озод карда шуданд. Ва ба ҷои онҳо Дамонзода Хусрав Назаралӣ иҷрокунандаи вазифаи раиси ноҳияи Варзоб ва Мирзозода Музаффар Бурҳон иҷрокунандаи вазифаи раиси ноҳияи Ховалинг таъйин карда шуданд.
Гуфта мешавад, пеш аз ин Мирзозода Музаффар Бурҳон, ки имрӯз иҷоракунандаи вазифаи раиси ноҳияи Ховалинг таъйин шуд, дар курсии мувоини якуми вазири кишоварзии Тоҷикистон такия мезад, ва Сафарзода Шарифхон Нураҳмад, ки раиси ноҳияи Варзоб буд, субҳи имрӯз бо фармони Эмомалӣ Раҳмон “ба вазифаи муовини якуми раиси Вилояти Мухтори Кӯҳистони Бадахшон” таъйин гашт.
