Як гурӯҳ аз табибони тоҷик 26 август аз Душанбе ба шаҳри Қандаҳори Афғонистон рафтанд. Дар ин бора “
Гуфта мешавад, ин гурӯҳи табибон кормандони Созмони байналмиллалии “Табибони бидуни марз” (MFS) мебошанд.
Сухангӯи Толибон дар ҳисоби Тивттераш навишта, ки “Як ҳавопаймои байналмилалӣ аз Душанбе ба фурӯдгоҳи Қандаҳор фурӯд омад. Гурӯҳи табибони MSF омаданд”.
Ин намояндаи Толибон афзуда, ки бори аввал аст, ки Аморати исломӣ раводид содир мекунад ва ба қавли ӯ, “Фурӯдгоҳи Қандаҳор тадриҷан кори худро аз сар мегирад”.
Созмони байналмилалии башардӯстонаи тиббии ғайридавлатии “Табибони бидуни марз” соли 1971 дар Фаронса ташкил шуда ва бо барномаҳои худ дар минтақаҳои низоъ ва дар кишварҳои гирифтори бемориҳои эндемикӣ фаъолият мебарад. Ин созмон аз соли 1980 дар Афғонистон бо лоиҳаҳои худ кор мебарад.
