Вазоратҳои дифои Украина ва Русия аз тавофуқи ҷадиде байни ҳамдигар дар мавриди табадоули асирон хабар доданд.
Вазорати дифои Русия рӯзи 26 апрели соли ҷорӣ зимни нашри баёнияе гуфт, ки дар натиҷаи музокироти тарафайн 40 сарбози рус озод шуд.
Дар баёнияи ин ниҳод гуфта мешавад, ки сарбозони рус бо ҳавопаймои тобеи Вазорати дифоъ ба Маскав интиқол ёфта, зери назорати табибон қарор гирифтаанд.
Ҳаммзамон Вазорати дифои Украина низ аз чунин тавофуқе бо ҷониби Русия хабар дод. Дар баёнияи ин ниҳод омада, ки 44 нафар аз шаҳрвандони Украина, ки 2 нафари онҳо ғайринизомӣ будаанд, дар натиҷаи тавофуқи ахир озод шуданд.
Гуфта мешавад, ин табодули асирон бо ҳамкории раёсатҷумҳурӣ, ниҳодҳои амниятӣ ва Вазорати дифои Украина сурат гирифтааст.
