Тибқи эълони расмии аксари кишварҳои дунё имрӯз охирин рӯзи моҳи Шаъбон буда, фардо шанбе, (2-юми апрели 2022) 1-моҳи мубораки Рамазон аст. Ва тамоми мусалмонони дунё аз фардо шанбе рӯзадор ҳастанд.
Шодем, ки Худованди бузург бори дигар моро ба моҳи пурбаракату пурфайз, моҳи мубораки Рамазон расонид.
Аз фурсати муносиб истифода бурда, ҳайати эҷодии АЗДО ТВ тамоми мусалмонони дунё, ба хусус мусалмонони Тоҷикистонро бо фарорасии ин моҳи шариф муборакбод мегӯяд.
Рамазон дар баробари ин ки моҳи нузули Қуръон, моҳи тиловату ибодат ва моҳи хайру эҳсону қабули дуоҳост, инчунин моҳи худсозӣ, моҳи ислоҳсозии ҷомеа ва зудудани фасоду зулму истибдод, моҳи таҷдид ва таҳкими робитаҳо бо Худо ва мардум аст. Аз ин рӯ, барои ҳама ҳамвандони азизамон тавфиқи бандагӣ, қабули тоот ва бедории ҳақиқиро аз даргоҳи Худованди Маннон орзумандем.
