Президенти Тоҷикистон бо анҷоми як суҳбати телефонӣ бо собиқ Президенти Туркманистон ӯро ба зодрӯзаш табрик гуфтааст.
Бино ба иттилои Хадамоти матбуоти президент, 29-уми июни соли 2022, собиқ Президенти Туркманистон Гурбангулӣ Бердимухамедов 65-сола шуд ва Эмомалӣ Раҳмон ҳам дар як тамоси телефонӣ ӯро ба ин муносибат табрик кард.
Ба иттилои манбаъ, Эмомалӣ Раҳмон дар суҳбат бо собиқ ҳамтои туркманистониаш, ки айни замон дар маснади раиси Халк Маслахати Милли Генгеши Туркманистон такя задааст, ба “таҳкими равобити гуногунҷанбаи ду кишвар” таъкид кардааст.
Гуфта мешавад, ҷонибҳо инчунин дар рафти ин суҳбат дар бораи “идомаи муколамаи доимии Тоҷикистону Туркманистон дар сатҳҳои гуногун ҳамзамон андешидани чораҳои муштарак ба мақсади тавсеаи пайвастаи робитаҳои ҳамаҷонибаи ду кишвар” табодули назар карданд.
