Раиси ҷумҳури Русия дар суҳбат бо вакилони Думаи давлатии ин кишвар гуфтааст, ки Ғарб агар ҷуръат дорад, дар майдони набард моро биозмоянд.
7-уми июли соли 2022, Раиси ҷумҳури Русия дар суҳбат бо бархе вакилони Думаи давлатии ин кишвар дар Маскав гуфтааст, “имрӯз мо мешунавем, ки мехоҳанд маро дар майдони набард шикаст диҳанд, дар ин ҷо чӣ мегӯӣ, бигзор биозмоняд.”
Владимир Путин дар идома илова карда, ки ” мо бисёр шунидаем, ки Ғарб мехоҳад, то охирин украинӣ бо мо биҷангад, ин барои Украина як фоҷеа аст, вала ба назар мерасад, ин кор шуданист.”
Президенти Русия дар ин суҳбати худ хитоб ба Украина ва Ғарб таъкид карда, ки бояд бидонанд мо то ҳол ягон амалиёти ҷиддиерро оғоз накардаем, бо ин ҳол мо аз гуфтушунидҳо дар бораи сулҳ даст намекашем, вале касе, ки гуфтушунидҳоро рад мекунад, бояд бидонад, ки ҳар чӣ дуртар шавад, ҳамон қадр суҳбат кардан бо Русия душвортар хоҳад шуд.
Гуфтанист, Русия ҳамлаҳои худ ба Украинаро ба рӯзи 24-уми феврали соли ҷорӣ оғоз кард ва то кунун ҷанг дар ин кишвар идома дорад. Дар натиҷаи ин ҷангҳо то кунун даҳҳо ҳазор нафар куштаву захмӣ ва инчунин ҳазор аскару сарозони дигар ҳам аз ду тараф ба асорат гирифта шудаанд. Миллионҳо нафар аз сокинони Украина хонаву дари худро тарк карда, барои наҷоти ҷонҳои худ тарки ин кишвар кардаанд.
