Субҳи имрӯз мақомоти корҳои дохилӣ ва прокуратура дар шаҳри Душанбе ба хонаи журналисти тоҷик Муҳаммади Султон рафта, занону кӯдакони хонаро тарсондаанд.
Муҳаммади Султон бо нашри акси нозири минтақавии маҳаллаи 101 ноҳияи Сино ва муфаттиши пурокуратураи ин ноҳия навишааст, ки зери унвони “
Муҳаммади Султон, журанлисти беш аз 70-солаи тоҷик зодаи Вилояти Мухтори Кӯҳистони Бадахшон асту дар ин авохир борҳо нисбат ба рафторҳои ғайриқонунии мақомоти Кумитаи давлатии амнияти миллии Тоҷикистон ва дигар сохторҳои қудратии кишвар дар шаҳри Хоруғ ва дар умум дар ин вилоят вокуниш нишон додааст. Ҳодисаҳои 25-28-уми моҳи ноябри соли 2021 дар ноҳияи Роштқалъа ва шаҳри Хоруғ, ки бар асари онҳо се нафар кушта ва 17 каси дигар аз тазоҳуротгарони мусолиматомез захмӣ шуд, вокунишҳои зиёдеро дар дохил ва хориҷ аз кишвар ба вуҷуд овард ва вазъият дар ВМКБ-ро ноором кард ва то кунун суботи доимӣ дар он барқарор нашудааст. Мақомоти қудратии Тоҷикистон пас аз ин ҳодисаҳо то кунун чандин нафар аз чеҳраҳои шинохтаро боздошт ва даҳҳо каси дигар аз фаъолони ҷомеаи маданӣ ва касоне, ки ҳодисаҳои ин вилоятро пайгирӣ ва нашр мекунанд, зери таъқибу фишор қарор додаанд.
