Ҷамъе аз фаъолони сиёсии шаҳрвандони Тоҷикистони муқими Олмон ҳамроҳ бо намояндагони ҷомеаи маданӣ дар ин кишвар тазоҳурот мекунанд.
Бино ба иттилои манобеи Azda tv, субҳи 28-уми январи соли 2023 даҳҳо нафар аз тоҷикони муқими Олмон ва дигар кишварҳои ҳамҷавори он ҳамроҳ бо фаъолони олмонӣ як тазоҳуроти бузурге баргузор мекунанд.
Ба гуфтаи баргузоркунандагони ин ҳамоиши эътирозӣ, ҳадаф аз баргузории он додхоҳӣ дар бораи ихроҷи писари фаъоли сиёсии тоҷик Шамсиддини Сайид, Абдуллоҳи Шамсиддин мебошад.
Гуфта мешавад, мақомоти олмонӣ рӯзи 18-уми январи соли ҷорӣ Абдуллоҳи Шамсиддинро ба Тоҷикистон ихроҷ кардаанд, вале бо гузашти 10 рӯз ҳанӯз расман ҳеч иттилое дар бораи дар куҷо будан ва дар чӣ шароите қарор доштани ӯ надодаанд.
