Тоҷикистон беш аз $111 млн кумаки башардӯстона дарёфт кардааст

Дар соли 2021 Тоҷикистон аз дигар кишварҳо ба маблағи 111 миллиону 390 ҳазор доллар кумаки башардӯстона дарёфт кардааст.

Бино ба иттилои Хадамоти гумруки назди Ҳукумат, Тоҷикистон аз 62 кишвари ҷаҳон беш аз 29 ҳазор тонна кумаки башардӯстона дарёфт кардааст.

Кумакҳое, ки ба Тоҷикистон ворид шудаанд аз орд, равғани растанӣ, доруворӣ, маҳсулоти хӯрокворӣ ва ғайра иборат буданд.

Ба сегонаи донорҳои беҳтарини Тоҷикистон Чин – 29,2%, ИМА – 20,7% ва Русия – 8,9% шомиланд.