Бо сабаби рушд кардани ҷудо дар Тоҷикистон тобистони соли оянда шаҳри Душанбе мизбони мусобиқоти ҷаҳонии “Гран-при” мешавад.
Бино ба иттилои сомонаи Федератсияи байналмилалии Ҷудо, 2-юми июни соли 2023 пойтахти Тоҷикистон шаҳри Душанбе мизбони Ҷоми мусобиқоти “Grand Prix Dushanbe-2023” мегардад.
Дар назар аст барои иштирок дар ин мусобиқоти дурӯза ҳудуди 300 нафар аз ҷудокорони шинохта аз 30 кишвари дунё барои дарёфти имтиёзҳо ва роҳхат гирифтан ба бозиҳои олимпӣ ба шаҳри Душанбе ташриф биоранд.
Гуфта мешавад, Тоҷикистон бори нахуст мизбони чунин як мусобиқоти сатҳи ҷаҳонӣ дар риштаи ҷудо мегардад. Ҷудо яке аз намудҳои рушд карда ва маҳбуби хеле аз варзишкорони тоҷикистонӣ мебошад.
