Нерӯҳои марзбонии Тоҷикистон рӯзи якшанбе расман эълом карданд, ки 7-уми майи соли ҷорӣ аз ҳудуди Афғонистон ба хоки Тоҷикистон 4 мушаки дастсози навъи BM-1 тасодуфан шиллик шудааст.
Тавре АМИТ “Ховар” бо такя ба нерӯҳои марзбонии кишвар хабар дод, “7 майи соли ҷорӣ, соати 11:45 миёни қувваҳои Толибон ва гурӯҳи мусаллаҳи аъзоёни ташкилоти байналмилалии террористии “Давлати исломӣ” задухурди мусаллаҳона сурат гирифт”.
Ба гуфтаи манобеи амниятии Тоҷикистон, ин даргирӣ байни нерӯҳои Толибон ва ДИИШ дар ноҳияи Хоҷағори вилояти Тахор сурат гирифта ва аз сабаби наздик будани макони даргирӣ бо марзи Тоҷикистон тасодуфан ба хоки кишвар 4 мушак расидааст.
Аммо шохаи Хуросони гурӯҳи террористии ДИИШ бо интишори паёме масъулияти ин ҳамларо ба дӯш гирифт ва таъкид кард, ки нерӯҳояш манотиқи марзии Тоҷикистонро бо 7 мушаки (Катюша) мавриди ҳамла қарор додаанд.
It seems that #ISIS in #Khorasan province is focusing not only on Shiites & #Taliban in #Afghanistan but also in the neighbouring countries such as Uzbekistan and this time it took responsibility for launching katyusha to Tajiki military facilities on the border. #Tajikistan pic.twitter.com/ngs6cVL4lz
— Michael Barak PhD, מיכאל ברק, ميخائيل باراك (@Michael_Barak) May 8, 2022
Дар ҳамин ҳол баъзе манобеи амниятии Тоҷикистон ин ҳамларо кори дасти гурӯҳи Ҷамоати Ансоруллоҳ, ки пайравони он аксаран зодагони Тоҷикистон ҳастанд, медонанд.
То ҳол худи мақомоти Толибон дар ин бора расман чизе нагуфтаанд.
