Вазорати корҳои дохилии ФР пешсафон аз рӯи шумораи вайронкунии қоидаи ҳаракат дар роҳ байни хориҷиёнро номбар кард. Бино ба иттилои ТАСС шаҳрвандони Қирғизистон, Тоҷикистон ва Узбекистон нисбат ба дигар хориҷиён бештар қоидаҳои ҳаракати роҳро дар Русия вайрон кардаанд.
“Ба ҳисоби миёна шаҳрвандони Қирғизистон, Тоҷикистон ва Узбекистон, тақрибан панҷяки садамаҳои бо гуноҳи онҳо содир шуда аз шумораи умумии садамаҳои бо айби ронандагони шаҳрвандони давлатҳои хориҷӣ ба амал омадаро ташкил медиҳанд”, – гуфта мешавад дар хабари ВКД – и ФР.
Ҳамчунин гуфта мешавад, ки шаҳрвандони ин кишварҳо дар маҷмӯъ нисфи қонуншиканиҳои ҳаракат дар роҳро, ки дар соли 2020 хориҷиён дар Русия содир кардаанд, ташкил медиҳад.
Дар сурати содир шудани ҳуқуқвайронкунии маъмурӣ дар соҳаи ҳаракат дар роҳ, вуруди шаҳрвандони хориҷӣ ба қаламрави Русия манъ карда мешавад ё будубоши онҳо дар Федератсияи Русия ғайриқонунӣ эълон карда мешавад.
Ҳамин тариқ дар соли 2020 дар бораи ғайриқонуни будани будубоши хориҷиён дар Русия 2371 дархост омода карда шудааст. Ин нисбат ба як соли пеш 36% камтар аст.
Ғайр аз ин, барои қабули қарорҳо дар бораи манъи вуруд ба Русия, БДА ба шӯъбаҳои муҳоҷирати ВКД-и Русия 41280 мавод фиристод, ки ин нисбат ба соли гузашта 73,6% зиёд аст.
