5-уми июл, президент Эмомалӣ Раҳмон пас аз машварат бо мақомоти кишвар дар Шӯрои амният супориш дод, ки 20 ҳазор нерӯи эҳтиётӣ ба марз бо Афғонистон фиристода шавад.
Гуфта мешавад, президент Эмомалӣ Раҳмон ин фармони худро пас аз тамос бо бархе аз раҳбарони минтақа, аз ҷумла президенти Афғонистон Ашраф Ғанӣ ва президенти Русия Владимир Путин содир кардааст.
Ба гузориши РБК, Путин Раҳмонро итминон дода, Маскав омода аст ҳам дар доираи СПАД ва ҳам аз тарқи ҳамкориҳои дӯҷониба Душанберо кӯмак кунад.
Бузургтарин пойгаҳи низомии Русия дар хориҷ аз ин кишвар дар Тоҷикистон мустақар аст. Дар соли 2012 ҷонибҳо шартномаеро имзо карданд, ки тибқи он пойгоҳи 201-ум то соли 2042 дар Тоҷикистон боқӣ хоҳад монд. Пойгоҳи 201 дар шаҳрҳои Душанбе ва Бохтар қисмҳои низомӣ дорад.
Тоҷикистон ва Русия ҳар ду узви Созмони Паймони Амнияти Дастаҷамъӣ (СПАД) мебошанд.
Тибқи шартҳои СПАД, дар ҳолати таҳдид ба амният, субот, тамомияти арзӣ ва соҳибихтиёрии як ҷониби шартнома, ҳамаи кишварҳои узви он мувазаффанд билофосила ройзониҳои муштаркро ба манзури ҳамоҳангии мавозеъи онҳо ба роҳ монанд ва ҳамчунин дар мавриди раснидани кӯмак ба тавофуқ бирасанд.
