Қосим-Ҷомарт Тоқаев дар интихоботи пешазмуҳлати президентии Қазоқистон, ки рӯзи 20-уми ноябр баргузор гашт, бори дигар президенти ин кишвар интихоб шуд.
Комиссияи марказии интихоботи Қазоқистон натиҷаҳои пешакии овоздиҳии интихоботи президентии пешазмуҳлати ин кишварро, ки рӯзи 20 ноябр баргузор шуд, эълон кард. Тибқи он, президенти кунунии Қазоқистон Қосим-Ҷомарт Тоқаев бо пирӯзии мутлақ, яъне ба даст овардани 81,31 дарсади раъй овоздиҳандагон боз президенти ин кишвар инхоб гардид.
Дар ин интихоб 6 нафар бо шумули худи Тоқаев иштирок карданд. Ба гуфтаи коршиносон рақибони Тоқаев чеҳраҳои чандон маъруфе набуданд ва ҳеч кадоме ҳадди ақал 3,50 дарсади овозҳоро ба даст оварда натавонист.
Аз байни рақибони Тоқаев аз ҳама бештар Жигули Дайрабоев – 3,42 %-и овозҳоро ба даст овард. Ва дигарон бошанд, ба монанди Каракат Абден – 2,60%, Майрам Кажикен – 2,12 %, Нурлан Ауесбаев – 2,22%, Салтанат Турсинбекова – 2,12%-и овози интихобкунандагонро ба даст оварданд.
Дар ҳамин ҳол раисҷумҳури Тоҷикистон Эмомалӣ Раҳмон Қосим-Ҷомарт Тоқаевро барои бори дигар ба президентӣ интихоб шуданаш шодбош гуфт. Раҳмон дар барқияи шодбошияш бори дигар президент интихоб шудани Тоқаверо “далели нуфузи баланди сиёсӣ” ва “дастгирии мардум аз роҳи пешгирифта”-и ӯ унвон кард.
Аммо баъзе таҳлилгарон бар ин борваранд, ки рӯ ба диктатура овардани ҳокимон дар кишварҳои Осиёи Марказӣ одатан аз онҷо шуруъ мешавад, ки дар интихобтҳои президентӣ рақибони президенти феълӣ шахсони ғайримаъруфе ҳастанд, ки дар интихобот ҳатто 5 дарсади овозҳоро ба даст оварда наметавонанд.
