Ҷангҷӯёни хориҷии Толибон аз Тоҷикистон, Узбекистон ва Қафқози Шимолӣ нирӯҳои худро дер боз дар ноҳияҳои Ҷурм ва Вардуҷи вилояти Бадахшони шимолии Афғонистон барои анҷоми амалиётҳои терористӣ дар Тоҷикистон ва дигар ҷумҳуриҳои Осиёи Марказӣ муттаҳид кардаанд. Дар ин бора “Ariana News” хабар дод.
Тибқи гузориши ин расона, ин гурӯҳҳо дар ҳоли ҳозир ҳадди аққал 500 ҷангиро ташкил медиҳанд, ки мехостанд ба Бадахшон ворид шуда, қисми зиёди марзи Афғонистону Тоҷикистонро убур кунанд ва дар дигар минтақаҳо амалиёти терористӣ анҷом диҳанд.
Аммо Мулло Абдулғанӣ, бародари муовини раҳбари Толибон, дар як конфронси онлайнӣ, ки онро Маркази таҳқиқоти гуманитарӣ ва омӯзиши башардӯстонаи Қатар рӯзи 10 декабри соли 2020 баргузор кард, таъкид карда буд, ки Толибон бо ҳамсоягони худ муносибатҳои хуб мехоҳанд ва қасди дахолат ба умури кишварҳои дигарро надоранд.
Ҷамъ омадани ҷангиёни Толибони хориҷӣ аз Тоҷикистон, Узбекистон ва Қафқози Шимолӣ дар ноҳияҳои Ҷурм ва Вардуҷ акси гуфтаҳои Мулло Абдулғаниро нишон медиҳад.
Ва ахиран дар шабакаҳои иҷтимоӣ наворе паҳн шуд, ки нақшаҳои Толибони тоҷик барои интиқоли ҷиҳод аз Афғонистон ба ватан ва ҳамлаҳои террористӣ дар Тоҷикистонро тасдиқ мекард.
Толибон рӯзи 21 ноябр тасдиқ карданд, ки ҷангиёни онҳо рӯзи 19 ноябр ба шаш посгоҳи полис дар ноҳияи Ҷурми Бадахшон ҳамла карда, беш аз 40 корманди амнияти афғонро кушта ва захмӣ карданд.
Ахтар Муҳаммад Хайрзода, муовини волии вилояти Бадахшон низ моҳи ноябр ҳамлаи террористии Толибонро тасдиқ карда гуфт, ки дар минтақаи кӯҳистонии ҳаммарз бо Тоҷикистон тақрибан 450 террористи хориҷӣ аз саросари ҷаҳон ҷамъ омадаанд.
Ахиран Президенти Тоҷикистон Эмомалӣ Раҳмон рӯзи 18 декабр зимни суханронии худ дар Саммити ИДМ дар бораи бад шудани вазъ дар вилоятҳои шимолӣ ва шарқии Афғонистон хабар дода, изҳори нигаронӣ намуд.
Баъзе коршиносон бар ин назаранд, ки бо фаъол шудани мухолифини тоҷик дар хориҷи кишвар Тоҷикистон мехоҳад бо ташкили як фазои ноамни сунъӣ таваҷҷуҳи ҷомеаи ҷаҳониро ба он ҷалб кунад, ки мухолифони Ҳукумат дар ҳақиқат барои кишвар ба қавле “барои ҷомеа хавфнок”-анд. Ва бо ҳамин зимоми қудратро барои муддати бештар соҳиб шавад.
Азимҷон Ваҳҳобов, коршиноси масоили сиёсӣ дар ин бора чунин мегуяд:
