Лаҳзае пеш Доналд Трамп, номзади ҷумҳурихоҳон ҳангоми суханронӣ бо ҷонибдоронаш дар Флорида пирӯзиашро дар интихоботи президентии Амрико эълон кард.
Ӯ гуфт, “мо имшаб торихро сохтем, сабаб дар он аст, ки мо аз болои мушкилоте ба осонӣ убур кардем, ки ҳеч кас убур аз онҳоро тасаввур намекард.”
Ин ҳам дар ҳолест, ки шумориши овозҳои интихобкунандагон дар ин кишварр то ҳанӯз пурра ба анҷом нарасидааст ва ҳамин лаҳзаҳо шумориши овозҳо дар 4 вилояти дигар идома дорад. Вале зоҳиран Трамп дар вилоятҳои боқимонда ҳам пешсаф аст.
Ба иттилои хабаргузории France 24, аллакай Эммануэл Макрон, расиҷумҳури Фаронса дар баёнияе Доналд Трампро барои пирӯзияш дар интихобот табрик гуфт.
Ёдовар мешавем, ки аз дирӯз дар Амрико интихоботи президентӣ шуруъ шуд ва то ҳол шумориши овозҳо ба поён нарасидааст. Вале аксар таҳлилгарон пирӯзии Трампро тахмин мезананд.
Доналд Трамп дар интихоботи президентии соли 2020 дар баробари Ҷо Байден, раисҷумҳури кунинии Амрико мағлуб шуда буд, вале ин бор пешсаф аст.
