Тибқи иттилои хабаргузории “Форс” дар Тошканд, Арабистони Саудӣ дар вилояти Сирдарёи воқеъ дар шарқи Узбекистон як нерӯгоҳи ҳароратии нав бо иқтидори 1500 мегаватт месозад.
Президенти Узбекистон Шавкат Мирзиёев фармонеро дар бораи сохтани як нерӯгоҳи нави ҳароратии 1500 мегаватта дар вилояти Сирдарё имзо кард.
Тибқи ин фармон, қарордоди сармоягузорӣ барои сохтмони як нерӯгоҳи нави барқии 1500 мегаватта дар вилояти Сирдарё байни Вазорати сармоягузорӣ ва савдои Узбекистон ва “Ширкати байналмилалии Лоиҳаҳои обиву энергетикӣ”-и Арабистони Саудӣ, ва ширкати тарҳии “Acwa Power Sirdarya” ба имзо расид.
Гуфтанист, ки аз аввали моҳи марти соли ҷорӣ Вазорати энергетикаи Узбакистон ва ширкати Саудӣ “Acwa Power” барои хариди нерӯи барқ ба маблағи 1,2 миллион доллар дар тӯли 25 сол дар доираи сохтмони нерӯгоҳи барқии ҳароратӣ ба иқтидори 1500 мегаватт дар вилояти Сирдарё шартнома ба имзо расониданд.
