5-уми август, Тоҷикистонро дар маросими таҳлиф(савгандёдкунӣ)-и президенти ҷадиди Эрон раиси Маҷлиси намояндагон Маҳмадтоир Зокирзода намояндагӣ мекунад.
Маҳмадтоир Зокирзода як рӯз пеш аз маросими савгандёдкунӣ бо раиси ҷумҳури навини Эрон Иброҳим Раисӣ дар Теҳрон мулоқот кард ва дар корҳои ӯ барору бурдуборӣ таманно намуд.
Маросими таҳлифи президенти Ҷумҳурии исломии Эрон бо ҳузури 115 намояндаи воломақом аз 73 кишвари дунё баргузор мегардад. Қарор аст дар ин маросим 10 нафар аз сарони кишварҳо, 20 нафар раиси парлумон, 11 вазири хориҷа, 11 нафар аз раҳбарони созмонҳои байналмилалӣ ва минтақаӣ ва ғайра ширкат кунанд.
Иброҳим Раисӣ 8-умин президенти Ҷумҳурии исломии Эрон аст, ки дар 13-ҳумин даври интихоботи президентӣ дар ин кишвар барандаи интихобот эълом шуд.
