Раиси Хадамоти давлатии бехатарии Узбекистон аз ҳамтоёнаш дар кишварҳои узви Созмони Ҳамкории Шанхай даъват кард, ки бо Толибон ҳамкорӣ кунанд.
Бино ба иттилои расонаҳои Узбекистон, 4-уми сентябри соли ҷорӣ генерал-лейтенант Абдусалом Азизов, раиси Хадамоти давлатии бехтарии ин кишвар корзори муборизаҳои Толибон бо нерӯҳои шохаи Хуросони ДИИШ-ро сутудааст.
Ҳамзамон Абдусалом Азизов ҳамтоёнашро дар кишварҳои узви Созмони Ҳамкории Шанхай (СҲШ) ва кишварҳои узви Иттиҳоди Давлатҳои Мустақил (ИДМ) дар ҳузури намояндаҳои Толибон даъват ба ҳамкорӣ бо Хадамоти амнияти дохилии ҳукумати муваққати Афғонистон карда, гуфтааст: “Душманро бояд якҷоя ва бо такя ба принсипи тақсимнашавандаи амният мағлуб кард.”
Ба қавли расонаҳои узбекистонӣ, инчунин ӯ таъкид кардааст: хадамоти махсуси Афғонистон бо гурӯҳи террористии “Давлати исломии Вилояти Хуросон” (ДИВХ, ячейкаи гурӯҳи Давлати исломӣ дар Афғонистон) мубориза мебаранд ва муваффақиятҳо доштааст.
Вай инчунин қайд кард, ки заиф кардани чораҳои муқобил дар Афғонистон метавонад ба тақвияти шохаи Хуросони ДИИШ оварда расонад. Қавӣ шудани шохаи Хуросони ДИИШ метавонад таҳдиди мустақим ба амнияти тамоми минтақа бошад. “Бинобар ин, кумак ба Афғонистон дар мубориза бо терроризм яке аз омилҳои калидии таъмини субот дар Осиёи Марказӣ номида мешавад.”
Гуфта мешавад, ин изҳороти раиси Хадамоти давлатии бехтарии узбекистон дар нишасти муштараки Кумитаи минтақавии зиддитеррористии Созмони Ҳамкории Шанхай ва Маркази зиддитеррористии Иттиҳоди Давлатҳои Мустақил, ки дар шаҳри Тошканд, пойтахти Узбекистон оғоз шуд, садо додааст. Ин нишаст имрӯз, 5-уми сентябр ба кори худ анҷом мебахшад.
