Панҷ варзишгари тоҷикистонӣ дар мусобиқоти “GRAND SLAM HUNGARY 2022” дар Маҷористон Тоҷикистонро муаррифӣ мекунанд.
Варзишгарони тоҷик барои иштирок дар мусобиқаи байналмилалии ҷудои “GRAND SLAM HUNGARY 2022” ба Маҷористон мераванд.
“GRAND SLAM HUNGARY 2022” рӯзҳои 8-10 уми июли соли ҷорӣ дар шаҳри Будапешти Маҷористон баргузор мегардад ва дар он 471 паҳлавон (274 мард ва 197 бону) ширкат мекунанд.
Дар ин мусобиқаи байналмилалӣ Тоҷикистонро панҷ варзишгар Муҳаммад Муҳаммадизода (-60 кило), Шаҳбоз Саидабуроров (-66 кило), Беҳрӯз Хоҷазода (-73 кило), Ҷаҳонгир Маҷидов (-90 кило) ва Комроншоҳ Устопириён (-90 кило) намояндагӣ мекунанд.
